काठमाडौं ४ साउन । नेकपा एमालेका सांसद डा भीम रावलले अमेरिकालाई एसपीपी सम्झौताबाट पछि हटेको पत्र लेख्न सरकारलाई रुलिङ गर्न माग गरेका छन् ।
बुधबार बसेको संसद बैठकमा रावलले पत्र पठाउन रुलिङको माग गर्दै रोष्ट्रम नै कब्जा गरेका हुन् । रावलले सभामुखसँग सरकारलाई रुलिङ गर्न माग गर्दै यस विषयमा प्रतिनिधिसभाले आफ्तो तागत देखाउनुपर्ने माग समेत गरेका छन् ।
यता माओवादी सांसद सत्या पहाडी सभामुखको भूमिकामा थिइन् । सांसदहरुले माइक काट्न सभामुखलाई आग्रह गर्दा पनि रावलले नटेरेपछि पहाडीलाई हेपेको भन्ने सूचना पाएपछि सभामुख अग्नि सापकोटा झोक्किँदै रोष्ट्रममा पुगेका थिए ।
पटक पटक रावललाई आफ्नो स्थानमा बस्न आग्रह गर्दा पनि रावलले नटेरेपछि सभामुखले बैठक नै १५ मिनेटका लागि स्थगित गरेका थिए ।