कोरोना भाईरससंग लडन ट्रम्प सरकारले माग्यो एक अर्ब २५ करोड डलर
यादवराज जोशी
कोरोना भाईरसबाट विश्वभरी मृत्यु हुनेको संख्या करिव तीन हजार पुगेको छ । विश्वका ८० हजार मानिसमा कोरोना भाईरसको संक्रमण पुष्टी भएको छ ।
विश्व स्वास्थ्य संगठनले मंगलबार दुई हजार सात सय सात जनाको मृत्यु भएको जनाएको छ । यस्तै ८० हजार तीनसय ४१ मा संक्रमण देखिएको छ ।
कोरोना भाईरस विश्वव्यापी चिन्ताको विषय बन्दै गएको छ । नयाँ नयाँ स्थानमा संक्रमण देखा पर्न थालेको छ ।
विश्व स्वास्थ्य संगठनले विश्वका ३७ देशमा यो भाईरसको संक्रमण देखा परेको मंगलबार जनाएको छ । अहिले कोरोना भाईरसको संक्रमण चीन, दक्षिण कोरिया, जापान, सिंगापुर, हड.कड.मा केन्द्रित देखिएको छ । ९० प्रतिसतभन्दा बढी व्यक्ति ति पाँच देशमा छन् । ईटालीमा दुईस्य ७० जनामा संक्रमण पुष्टी भएको छ ।
ईरानमा ९५ जनामा संक्रमण भएको पुष्टी भएको छ भने १५ जनाको मृत्यु भएको छ । ईरान पस्चिमी क्षेत्रमा ५० जनाभन्दा बढीको मृत्यु भएको कुरा संसदहरुले मंगलबार मंगलबार उठाएका छन् । यो संख्या सरकारी आकडामा छैन । बेलायत, फन्स, जर्मनीमा क्रमशः १३, १६ र १२ जनामा संक्रमण पुष्टी भएको छ । खाडीका देशहरु बहराईन, कुवेत, संयुक्त अरब ईमिरेट्समा दर्जनको संख्यामा संक्रमण देखिएको छ ।
विश्व स्वास्थ्य संगठनले नेपालमा एकजनामा संक्रमण देखिएको तर ति व्यक्ति पूर्ण निको भैसकेको जनाएको छ । दक्षिण कोरियामा मंगलबार एकसय ४४ व्यक्तिमा नयाँ संक्रमण देखिएको छ । यो सहित दक्षिण कोरियामा कोरोना भईरस संक्रमण हुनेको संख्या नौसय ७७ पुगेको छ ।
चिनिया अधिकारीका अनुसार, पाँच सय ८ नयाँ संक्रमण देखिएको छ । अहिलेसम्म चीनमा ७७ हजार ६ सय ५८ जनामा संक्रमण देखिएको छ भने २६ सय ६३ जनाको मृत्यु भएको छ । मंगलबारमात्र ७८ जनाको मृत्यु भएको हो । जापानको बन्दरगाहामा रोकिएको डाईमण्ड प्रिन्सेज जहाजका ६ सय ९१ जनामा कोरोना भाईरसको संक्रमण देखिएको छ ।
हड.कड.ले विद्यालयहरु अप्रिल २० सम्मको लाग बन्द गरेको छ । बहराईनले दुवईसंगको हजाई सम्पर्क बन्द गरेको छ । युएई र बहराईनमा क्रमशः १३ र ६ जनामा संक्रमण देखिएको छ । अमेरिकामा ५३ जनामा कोरोना भाईरस संक्रमण देखिएको भएपनि ६ जना पूर्ण निको भैसकेका छन् ।
कोरोना भाईरससंग लडन अमेरिकी सरकारले काँग्रेससंग एक अर्ब २५ करोड अमेरिकी डलर बजेट माग गरेको छ । यो रकम डाईमण्ड प्रिन्सेजबाट उद्दार गरी सैनक बेसक्याम्पमा राखिएका अमेरिकी नागरिकको उपचारमा प्रयोग गरिने ह्वाईट हाउसले जनाएको छ । ह्वाईट हाउसले यसअघि नै इबोलासंग लडन छुट्टाएको पाँचसय ३५ मिलियन डलर बजेट कोरोना संक्रमण कोषमा सारेको छ ।
कोरोना भाईरस संक्रमणबाट सरदर २.१ प्रतिसत संक्रमितको मृत्यु भएको छ । यो संख्या भाईरसको उदगमस्थल चिनको वुहानमा ४.९ प्रतिसत र हुबेई प्रान्तमा ३.१ प्रतिसत छ । तर संक्रमित भएपछि अस्पताल भर्ना भएकामा मृत्युदर १५ प्रतिसतको हाराहारी छ ।
विश्वभरी कोरोना भाईरस संक्रमित भएका व्यक्तिको संख्या मंगलबार ४९ हजार आठसय ११ छ । यिनमा नौ हजार दुईसय १५ को अवस्था चिन्तजनक छ । २७ हजार आठसय १० जना निको भैसकेका छन् ।
स्रोतः विश्व स्वस्थ्य संगठन र विभिन्न समाचार एजेन्सी