काठमाडौं। नेकपा (एकीकृत समाजवादी) ले संसद्मा टेबल भएको एमसीसी सम्झौताको विपक्षमा उभिने निर्णय गरेको छ।
एक नेताका अनुसार सोमबार बसेको पार्टी सचिवालय बैठकले एमसीसीको विपक्षमा मतदान गर्ने र त्यसको वातावरण बनाउने निर्णय गरेको छ।
ती नेताले भने, ‘संसद्मा टेबल भएको एमसीसीको विपक्षमा मतदान गर्ने निर्णय गरेका छौँ। विपक्षमा उभिनका लागि सबैलाई भन्ने छौँ र वातावरण तयार गर्नेछौँ। बैठक भोलि पनि बस्छ।’