शाहरुख खानका फ्यानहरु उनको नयाँ प्रोजेक्टको लागि उत्सुकताका साथ पर्खिरहेका छन् । शाहरुख पछिल्लो पटक २०१८ को फिल्म ‘जिरो’ मा देखिएका थिए । त्यसयता उनी अहिलेसम्म कुनै पनि चलचित्रमा देखिन सकेका छैनन् । वर्षौंदेखि शाहरुख खानका फ्यानहरूले उनलाई ठूलो पर्दामा हेर्ने इच्छा व्यक्त गर्दै आएका छन् ।
यसैबीच शाहरुख खानको नयाँ लुक सामाजिक सञ्जालमा भाइरल भएको छ । इन्स्टाग्राममा धेरै फ्यानपेजहरूले शाहरुख खानको यो नदेखेको तस्बिर सेयर गरिरहेका छन्। यो तस्बिरमा शाहरुखले कालो टक्सिडो लगाएका छन् । उनको कपाल लामो छ । यो तस्बिरमा शाहरुख खान निकै सुन्दर देखिएका छन् । केही फ्यानहरूले यो शाहरुख खानको फिल्म पठानको लुक हो भन्ने विश्वास गरेका छन् ।
तर यो सत्य होइन। यो तस्बिर ठ्याक्कै कहाँ खिचिएको हो हामी तपाईलाई बताउँछौं।सत्य यो हो कि यो तस्बिर सेलिब्रेटी फोटोग्राफर डब्बू रत्नानीको २०१७ को फोटोसुटको हो। शाहरुखको यो पुरानो तस्बिर फोटोसप गरिएको हो । फोटोको यो फोटोसप संस्करण इन्टरनेटमा भाइरल भइरहेको छ। २०१७ मा, डब्बू रत्नानीले शाहरुखको मूल फोटो सेयर गर्दै लेखेका छन्–, सेक्सी कुनै आकार होइन, यो एक मनोवृत्ति हो। शाहरुख खानलाई धेरै धेरै माया।