काठमाडौं । रामेछापका एक व्यवसायीले काठमाडौँमा आत्महत्या गरेका छन् । रामेछापको खाँडादेवी गाउँपालिका वडा नं ३ भीरपानी घर भई हाल काठमाडौँमा व्यवसाय गर्दै आएका व्यवसायी दीपक पौडेलले डोरीको पासो लगाएर आत्महत्या गरेका हुन् ।
पौडेल लामो समय व्यापार व्यवसायमा संलग्न रहेको र बैंकको किस्ता तिर्न नसकेकोसमेत कारण आर्थिक व्यवहार बिग्रिएपछि उनले प्राण त्याग गरेको भन्ने जानकारी आएको खाँडादेवी गाउँपालिका अध्यक्ष ज्ञानकुमार श्रेष्ठको भनाई छ ।
अन्दाजी ५० वर्षीय पौडेलले व्यवसाय सञ्चालनका लागि भन्दै रकम ऋण लिएका थिए । आर्थिक मन्दी र चर्को ब्याजदरका कारण ऋण तिर्न नसकेपछि उनी केहि समयदेखि पीडामा थिए । पारिवारिक स्रोतका अनुसार उनले पछिल्ला केही दिनदेखि घरमा पनि ऋणको भार एकदमै बढी भएको र आफुले अब थेग्न नसक्ने बताउँदै आएका थिए ।
नेपाल सरकारकारले फागुन २२ र २३ गतेका लागि सार्बजनिक बिदा दिएको छ । फाल्गुण शुक्लपक्ष पूर्णिमाका दिन मनाइने पर्व फागुपूर्णिमाको अवसरमा संघीय सरकारले सार्बजनिक बिदा दिएको हो ।
प्रत्येक वर्षको फागुन शुक्ल पूर्णिमाका दिन मनाइने रङको चाड फागुपूर्णिमा पहाडी भेगमा फागुन २२ गते र तराईमा २३ गते भव्यताका साथ मनाइँदैछ। सरकारले वार्षिक क्यालेन्डरमै राखेर २२ गते पहाडी क्षेत्रमा र २३ गते तराईमा र २४ गते नारि दिबस भएकोले सार्बजनिक बिदा दिएको हो ।
तनहुँ जबर्जस्ती करणी अभियोगमा एक वर्षदेखि जिल्ला कारागार तनहुँमा थुनामा रहेका अभिनेता पूर्णविक्रम (पल) शाह सोमबार थुनामुक्त भएका छन्।
जबर्जस्ती करणी अभियोगमा गत वर्ष फागुन ११ गते जिल्ला प्रहरी कार्यालय तनहुँमा उनुरी परेपछि फागुन १५ गते आफैँ प्रहरीसमक्ष आत्मसमर्पण गरेका अभिनेता शाह सोमबार अदालतको फैसलाबमोजिम रिहा भएका हुन्।
नवलपुर अदालतले बाल यौन दुराचारको मुद्दामा साँढे दुई वर्ष कैद र १० लाख रुपियाँ जरिवाना फैसला सुनाएकामा उच्च अदालत पोखराको आइतबारको फैसलाबमोजिम शाहले सफाइ पाएको उनका कानुन व्यवसायी एवं वरिष्ठ अधिवक्ता कमलामोहन वाग्लेले जानकारी गराए।
उच्च अदालतका न्यायाधीश डिल्लीराज आचार्य र श्रीधराकुमारी पुडासैनीको संयुक्त इजलासले शाहलाई सफाइ दिएको हो। नवलपुर अदालतको फैसलाविरुद्ध शाहले उच्च अदालत पोखरामा पुनरावेदन दिएका थिए। उच्च अदालतको आइतबारको इजलासले उक्त मुद्दामा अभियोग दावी नपुग्ने ठहर गरेको उच्च अदालत पोखराका सूचना अधिकारी विष्णुप्रसाद आचार्यले जानकारी गराए।
उच्च अदालत पोखराले सफाइ दिएपछि अभिनेता शाहलाई थुनामुक्त गरिएको तनहुँ कारागारका निमित्त प्रमुख नारायण अधिकारीले जानकारी दिएका छन्। रिहाअघि शाहको दमौली अस्पतालमा स्वास्थ्य परीक्षण गरिएको थियो। शाह रिहा हुने खबर पाएलगत्तै कारागार परिसरमा बिहानैदेखि शुभेच्छुकको भीड लागेको थियो।
नाबालिकमाथि जबर्जस्ती करणी गरेको भन्दै शाहविरुद्ध तनहुँ र नवलपुर प्रहरीमा उजुरी परेको थियो। शाहलाई गत वर्ष चैत १० गते तनहुँ अदालतले पुर्पक्षका लागि थुनामा पठाउने आदेश दिएको थियो। हजारौं संख्यामा उपस्थित शुभेच्छुकले पलको पक्षमा नाराबाजी समेत गरेका थिए। कारागारबाट रिहा भएलगत्तै शाह पोखराबाट हवाईमार्ग हुँदै काठमाडौं फर्केका छन्।
पत्रकारसँग अभिनेता शाहले अदालतले गरेको फैसलाले शुभेच्छुक तथा दर्शकमाझ फर्किन प्रोत्साहन मिलेको बताए। अहिलेलाई यति मात्र भन्न चाहन्छु सबैलाई धन्यवाद। केही समयपछि यस क्षेत्रमा नै पर्दामा आउनेछु, अभिनेता शाहले भने।
बलात्कारको अभियोग दर्ता भए पनि नवलपुर जिल्ला अदालतले शाहलाई बाल यौन दुव्र्यवहारमा दोषी ठहर गर्दै साढे २ वर्ष कैद सजाय सुनाएको थियो। त्यसपछि जाहेरवालातर्फबाट सरकारी वकिल र पल शाह दुवै उच्च अदालत पोखरा पुगेका थिए। उच्च अदालत पोखराका कामु मुख्य न्यायाधीश डिल्लीराज आचार्यसहितको इजलासले आइतबार साँझ लेखेको संक्षिप्त फैसलामा शाहले सफाइ पाउनुपर्ने कारणहरु उल्लेख गरिएको छ।
फैसलामा बलात्कारको उजुरी परे पनि शाहले प्रहरी र अदालत दुवैमा आरोप अस्वीकार गरेको र जाहेरवालाले अदालतमा उजुरी झूटो भएको बकपत्र गरेकोलाई प्रमाणका रुपमा आधार मानिएको छ।
यस्तै जाहेरवालाले घटनाको ५ महिनापछि शाहलाई गरेको म्यासेज, शाहको पोलिग्राफ परीक्षणलाई पनि प्रमाणका रुपमा हेरिएको बताइएको छ। शाह र जाहेरवालाबीच भएको संवादको अडियो रेकर्ड भने शंकारहित प्रमाण र अन्य वस्तुनिष्ट प्रमाणबाट समर्थित हुन नसकेको पनि फैसलामा उल्लेख छ।