काठमाडौं । अष्ट्रेलियामा बस्दै आएकी भारतीय मूलकी एक महिला परिवारसँग छुट्टी मनाउँदै थिइन् । सेल्फी लिन उनी पहाडको चुचुरो छेउमा गएकी थिइन् । यसै क्रममा उनको खुट्टा चिप्लियो । यसपछि उनी सय फिट तल खसिन् र उनको मृत्यु भयो ।
३८ वर्षीया रोजी लुम्बा आफ्नो परिवारसँग अष्ट्रेलियाको बोरोका लुकआउट नजिकै घुम्न गएकी थिइन्। यसै क्रममा श्रीमान् र छोराछोरीका अगाडि चुचुरोको किनारबाट खसेर उनको मृत्यु भएको थियो । यो घटना डिसेम्बर २०२० को हो तर अहिले यस विषयमा धेरै खुलासा भएका छन् ।
डेपुटी स्टेट कोरोनर ज्याकी हकिन्सले उक्त महिला ‘सेल्फी रक’ मा पुगेर फर्किन खोज्दै गर्दा उनको खुट्टा चिप्लिएर तल खसेको बताए ।
वास्तवमा, रोजी लुम्बा आफ्ना श्रीमान बसन्त र दुई छोराछोरीसँग घुम्न गएकी थिइन् । यसै क्रममा श्रीमान् श्रीमती फोटो खिच्न भ्यु प्वाइन्ट नजिक पुगेका थिए । त्यहाँ पुगेपछि दम्पतीले सेल्फीका लागि सेफ्टी फेन्स पार गरे र चट्टानको छेउमा पुगे। ‘सेल्फी रक’ पुगेपछि जोडीले केही तस्बिर पनि खिचे ।
केही समयपछि परिवारको यात्रा दुर्घटनामा परिणत भयो । न्युज डटकम डटएयुको एक रिपोर्ट अनुसार, रोजी किनारबाट फर्किदै गर्दा उनको सन्तुलन बिग्रियो। उनी चट्टानमा झुण्डिइन् । श्रीमानले पनि बचाउन खोजे तर असफल भए । महिलाको हात छुट्यो । उनी श्रीमान् र छोराछोरीको अगाडि लडिन् ।
पहाड यति दुर्गम थियो कि प्रहरी र आकस्मिक सेवालाई पनि रोजीको शव निकाल्न करिब ६ घण्टा लागेको थियो । अनुसन्धानले पत्ता लगायो कि रोजीको मृत्यु टाउको फुटेको, मेरुदण्ड बिग्रिएको र धेरै चोटपटकका कारण भएको हो।