जगन कार्की बेलायत :
डा केसी तिमी मर्नुपर्छ,
माफियालाई मेडिकल कलेज चलाउन गारो भो ,
सरकारलाई तिनको रक्षा गर्न अनि ,
गरिव निनुखाका नाममा पाएको जनमत माथि,
रगतको आहालमा बसेको सत्ताको शाख जोगाउन गारो भो !
दिनदहाडै बलात्कार गरी मारिएकि गरिवकि छोरी,
निर्मलाका अपराधी लुकाउन गारो भो ,
सत्ता र शक्तिको उन्माद संगै
पापको अजङ्गको भारी थाम्न गारो भो ।
गारो भो ! चोरलाई चौतारो अनि साधुलाइ सुली चढाउन ,
जुठा मार्सी चामलले ढाडीएका भुँडीहरु सुकाउन ,
सत्य निरुपणलाई बिस्कुन सुकाएर ,
अत्याचारी दोषीलाई जोगाउँदै ,
युद्ध पिडितका घाउमा नुन छर्न गारो भो ।
डा केसी ! तिमिले मरिदिदा सहज हुने,
संगठित ठगहरु र स्वार्थले टुक्रिएका सज्जनहरू,
मुख बन्द बुद्द्जिवी अनि अन्याय सहि बस्ने अनागरिकहरु
रातो खास्टो ओढेका काला ढाडे बिरालाहरुलाई ,
न्यायको किलकिले निमोठेर अन्यायको पट्टि बाँध्न गारो भो ।
बेचिएका न्याय अनि किनिएका जहाजहरुमा ,
जनताको स्वाभिमान अनि खुन-पसिनाको तिरोमा
कमिसन र ब्यापार धन्दा चलाउन सारो भो ,
आकासमा उडेर गरिवी र दुखका रमिता हेर्न गारो भो |
हिम्सा र युद्धका ब्यापारले जोडेका कालो धनले
कर्म र श्रम गरेर बसेका मजदुर ब्यापारी बिस्थापित् गर्दै
उद्यम व्यवसायको शाख गिराएर ,
मुलुकलाई वित्तीय अपराधको कालो सुचिमा दर्ज गर्न गारो भो ।
गारो भो अद्लतमा न्याय बेच्न ,
अख़्तियारी र प्रहरीको बिश्वास लिलाम गर्न ,
आफैले गरेको सरकारी समझौता उलंघन गर्ने
किर्ते सिलसिला थाम्नै गारो भो !
केसी तिमी मर्न पर्ने भो माफियाको खातिर ,
भ्रस्ट अनि युद्ध अपराधीहरुका नजरमा ,
न्यायको कालो झोली लिएका बिकाउ न्यायधीस
अनि बलात्कारी जोगाउन लागिपरेका बर्दिवाला सिपाहिको लागि !
खै तिमी किन मर्दैनौ , कहाँबाट आउछ तिमीमा यत्रो शक्ति ?
सायद भोका , निमुखा उपचार नापाइ मरेका आत्माहरु
निर्मम बलात्कार गरी मारिएकी निर्मला अनि ,
राजनीतिका नाममा गरिएका अपराध र कुकर्मले,
ज्यान गुमाएका अबोध र निर्दोस आत्माहारु
तिमी मार्फत न्यायको आसमा रहेका होलान ,
तिनैको आशीष र आत्माको पुकारले तिमी त अमर छौ !
त्यसो त ! देश र जनताको निमित्त तिमीले दाउमा राखेको तिम्रो प्राणका खातिर ,
सत्तीशाल बनेर लडिरहेका सत्य र निष्ठाका जिउदा सिपाहीहरु,
दियो बालेर प्रार्थना गरिरहेका बिकट गाउँघरका आमा , बुवाहरु ,
मौन ब्रत बसेका अबोध अनि बुद्धिजीवि बिज्ञहरु,
सडकमा आउने छन् तिम्रो रक्षाका लागी
तिम्रो मृत्युको मोल तौलीरहेको माफिया र भ्रस्टतन्त्रको काल बनेर ।
कदापी मर्न हुन्न , जोगाउनै पर्छ बिजन यो खडेरीमा ,
तिमीले सत्य र निष्ठाको !