काठमाडौँ । नेपाली राष्ट्रिय क्रिकेट टोलीका पूर्व कप्तान सन्दीप लामिछानेले आफूले कति योगदान गरे भन्ने थहाँ नभएपनि देशले क्रिकेट जितेकोमा खुसि भएको बताएका छन् ।
त्रिवि क्रिकेट मैदानमा भएको त्रिकोणात्मक एकदिवसीय सिरिजको चार खेलमा नेपालले चारै खेल जितेको थियो ।
सन्दीपले सामाजिक सञ्जालमा लेखेका छन् ‘मैले कति योगदान गर्न सके थाहा छैन तर मेरो देशले क्रिकेट जितेको छ’ यो साथ यो मायाको लागि सम्पूर्णमा हृदयदेखि आभारी छु,’ ।
सन्दीपले उक्त सिरिजको चार खेलमा १३ विकेट लिएका थिए । पहिले, दोस्रो र तेस्रो खेलमा ३/३ विकेट लिएका सन्दीपले अन्तिम खेलमा ४ विकेट लिएका थिए ।
सन्दीपको उत्कृष्ट प्रदर्शनले पनि नेपाललाई सिरिज जिताउन महत्वपूर्ण भूमिका खेल्यो । यो सिरिजमा ४ जित सँगै नेपालले आईसिसी लिग २ मा २८ खेलबाट २६ अंक बनाएर छैटौं स्थानमा रहेको छ ।