निलम्बित नेपाली राष्ट्रिय क्रिकेट टिमका कप्तान सन्दीप लामिछानेले सोमबार जिल्ला अदालत काठमाडौंमा आफ्नो मु’द्दाको टुंगो छिटो लगाइदिन अनुरोध गरेका छन्। सोमबार म्याद थपका लागि अदालतमा उपस्थित गराउँदा उनले यस्तो आग्रह गरेका हुन् ।

उनका कानुन व्यवसायीले न्यायाधीशसमक्ष यस्तो आग्रह गरेका थिए। म्याद थपका क्रममा न्यायाधीशले सन्दीपलाई केही भन्नु छ भनेर सोधेका थिए। त्यसक्रममा उनले यसअघि बयानमा जस्तै आफू नि’र्दोष रहेको जिकिर गरेका छन्।

सन्दीपका कानुन व्यवसायीका नगरकोट कसरी पुगेको भन्ने कुरा पनि उनले सोमबार अदालतमा बताएका छन्। यसअघि आइतबारदेखि नै सरकारी वकिलको रोहबरमा उनको बयान सुरु भएको छ। बयानमा सन्दीपले जाहे’रवालाकै पूर्वयोजना अनुसार आफू नगरकोट पुगेको बताएका छन्। नाबालिग भनिएकी जा’हेरवालीले नगरकोट जाने कुरा उनका साथीहरुलाई पनि सुनाएकी थिइन्।

‘उनले नगरकोट जान प्रस्ताव गरेपछि मैले त्यता नजाऊँ दरबारमार्गमै चिया कफी पिऊँ भनेको थिएँ। म क्याम्पमा छु। भोलि बाहिर जानुछ भनेको थिएँ। पुगेर आइहालौँ मलाई काठमाडौंको सिन त्यहाँबाट हेर्न एकदमै मन छ भनिन्’, सन्दीपले इज’लाससमक्ष भने। नगरकोट पुगेर फर्किन आफूलाई ढिलो हुन्छ र जाहे’रवालीलाई पनि होस्टल फर्किदा बन्द होला भनेको तर उनले त्यस्तो नहुने बताएको सन्दीपले भनेका छन्।

होस्टल कहाँनेरी हो भनेर सोधे पनि उनले नदेखाएको सन्दीपले ब’यानमा भनेका छन्। ‘बीचबाटोबाटै उनी गाडीमा चढिन्। नगरकोट गइसकेपछि त्यहाँ गएर खाजा खाइयो। उनी मेरो जिउमा अढेस लागिन् मलाई असहज फिल भयो’, सन्दीपले न्यायाधीशसामु घट’नाबारे बताए।

त्यसदिन नगरकोटबाट फर्किऊँ भन्दा पनि जाहेरवालीले ढिलो भइसक्यो, आज नजाऊँ यतै बसौँ भनेको सन्दीपले बताएका छन्। ‘मलाई भोलि बाहिर जानुपर्छ, तिमीलाई पनि होस्टल फर्किनुछ भनेँ। त्यसपछि उनी रिसाएर गाडीमा बसिन्। फर्किंदा बाटोमा उनले मेरो होस्टल बन्द भइसक्यो, अब जान मिल्दैन भनिन्’, सन्दीपको ब’यानबारे उनका कानुनी सल्लाहकारले भने।

नगरकोट जाने क्रममै उमेरको विषयमा पनि कुरा भएको सन्दीपले बताएका छन्। जा’हेरवालीले १९ वर्षको भएको तर कागजातमा चाहिँ उमेर घटाएको बताएको सन्दीपले बताएका छन्। होस्टल बन्द भएको र अब जान मिल्दैन भनेपछि उनकै आग्रहमा होटलमा बसेको सन्दीपको जि’किर छ।

टीकापुर, –

कैलालीका बाढी प्रभावित क्षेत्रका जनप्रतिनिधि बाढीपीडितको उद्धार र राहतमा व्यस्त रहेका छन् । कर्णाली नदीमा बाढी आएपछि कैलालीको टीकापुर नगरपालिका, जानकी, जोशीपुर गाउँपालिका र भजनी नगरपालिका डुबानमा परेका छन् । बाढीले टीकापुरका वडा नं २, ५ र ८ मा सयौँ घर डुबानमा परेका छन् । वडा नं २ मा रानीकुलो विभिन्न ठाउँमा फुटेर बस्तीमा पसेपछि विभिन्न बस्ती डुबानमा परेका वडा नं २ का वडाध्यक्ष दीपक चौधरी बताउनुहुन्छ । “खतरामा छौँ, मूलपानी जाने बाटो नजिकै रानीकुलो ड्याम फुटेको छ । कटासे नजिकै जगतपुर र मिलनचोकमा रानीकुलो फुटेर बस्तीमा पसेकाले डुबान भएको छ”, उहाँले भन्नुभयो, “बन्दीपुर, कोठारपुर, विजयनगर, राजीपुर, सीतापुर डुबानमा परेकाले हामी उद्धारमा खटेका छौँ ।”

टीकापुरको वडा नं ५ मा पनि रानीकुलो बस्तीमा पसेको छ । यसका साथै शाहीपुरमा कर्णाली नदीको तटबन्ध भत्कने खतरा बढेकाले नागरिकलाई सुरक्षित राख्न विभिन्न प्रयास भइरहेका वडाध्यक्ष बलवीर चौधरीले जानकारी दिनुभयो । “उर्दिपुर, बङ्गालपुर, झन्टझटपुर मनिकापुर पूरै जलमग्न भएको छ”, उहाँले भन्नुभयो, “शाहीपुरमा कर्णाली नदीमा तटबन्ध फुट्ने खतरा बढेको छ । त्यसैले त्यहाँका बस्तीलाई उच्च स्थानमा सारिरहेका छौँ ।”

त्यस्तै टीकापुरको वडा नं ८ को वनगाउँबाट नदी बस्तीमा पसेको छ । वडा नं ८ को वनगाउँका नागरिकले तीन दिनदेखि घर छाडेका छन् । वडाध्यक्ष दीर्घबहादुर ठकुल्लाले बाढीले नागरिकको सम्पत्ति र खेत सबै क्षति भएको बताउनुभयो । “वडा पूरै डुबानको खतरामा छ । फाँटागाउँका मानिस सडकमा, कालिमाटी स्कुल, सूर्यपुर स्कुललगायतका ठाउँमा राखेका छौँ”, उहाँले भन्नुभयो, “यस वर्ष भोकमरी हुने निश्चित छ । नदी भङ्गालो बनाएर बस्तीमा पसेको छ ।”

जानकी गाउँपालिका वडा नं ९ मा पनि बाढी बस्तीमा पसेको छ । नदी बस्ती पस्नबाट रोक्ने पालिकाको अथक प्रयास सफल भएन । नदी बस्तीमा पसेपछि वडा नं ९ का केही परिवार विस्थापित भएका र उनीहरूको बसोबास तथा खानपानको व्यवस्था मिलाउन थालिएको अध्यक्ष गणेश चौधरीले बताउनुभयो । “दर्जन बढी घर विस्थापित भएका छन् । अहिले पनि घर फर्कने वातावरण छैन”, अध्यक्ष चौधरीले भन्नुभयो, “पीडितलाई राहतमा खाद्यान्न दिएका छौँ । उहाँहरूको खानपानको व्यवस्थासमेत गरिएको छ ।”

कर्णाली नदीमा पानीको सतह बढेर विभिन्न वडामा बाढी आएपछि सुदूरपश्चिमका आन्तरिक मामिला तथा कानुनमन्त्री डा रणबहादुर रावल, टीकापुर नगरपालिकाका प्रमुख रामलाल डगौरा थारू, उपप्रमुख खड्कबहादुर शाह, प्रमुख प्रशासकीय अधिकृत मङ्गलबहादुर शाहीलगायत सबै पीडितको उद्धारमा खटेका छन् । बाढीपीडितलाई सुरक्षित स्थानमा सार्ने, उनीहरूको बसोबासको व्यवस्था मिलाउने, जोखिममा रहेकालाई सार्न स्थानीयवासीको सहयोग लिने काम भइरहेको छ ।

नदी बस्तीमा पसेपछि आइतबार सुदूरपश्चिमका आन्तरिक मामिला तथा कानुनमन्त्री रावलले यस क्षेत्रका प्रभावित विभिन्न ठाउँको निरीक्षण गर्नुभएको छ । निरीक्षणपछि मन्त्री रावलले जिल्ला प्रशासन कार्यालय, मन्त्रालयअन्तर्गतको प्रादेशिक विपद् समितिलाई विपद्बाट जोगाउन राहत, उद्धारका कार्यमा जुट्न निर्देशन दिनुभएको छ । “आइतबार रातिदेखि नै म सुरक्षाकर्मी साथमा लिएर उद्धारमा खटेको छु । रातभरि प्रभावित क्षेत्रको अवलोकन गरेको छु”, उहाँले भन्नुभयो, “स्थिति भयाभह र दयनीय छ । सबैलाई राहत तथा उद्धारमा खट्न निर्देशन दिएको छु ।”

बाढीपीडित भन्छन्– ‘हामी नाङ्गै हुने भयौँ, लुगाफाटा पठाइदिनुस्’

बाढीका कारण कैलालीको भजनीका नागरिकलाई बढी समस्या भएको छ । असोज १ गते आएको बाढीले ठूलो क्षति व्यहोरेका भजनीका नागरिक पुनः १९ गते बाढी आएपछि थप पीडामा छन् । भजनीका नागरिक गाँस, बास, कपास सबै बाढीले खोसेको गुनासो गर्न थालेका छन् । भजनीका घरबाट विस्थापित भएका पीडितलाई शरीर ढाक्नसमेत समस्या भएको उनीहरुको गुनासो छ ।

एक साता सडकमा बसेर घर फर्किएका बाढीपीडित पुनः सडकमा आएको साता पुग्न थालेको छ । भजनी–८ की धनसरादेवी जैसीको परिवार छ दिनदेखि हुलाकी सडकमा छ । “घरबाट आउँदा जुन लुगा लगाएका थियौँ, त्यही लुगामा आजसम्म बसिरहेका छौँ, फेर्नका लागि अर्को लुगा छैन”, उहाँ भन्नुहुन्छ, “तलबाट बाढीले चुट्यो, माथिबाट वर्षाले चुटेको छ । कोही सहयोगी, दाता हुनुहुन्छ भने हामीलाई पुराना लुगा भए पनि पठाइदिनुस्, हामी भोका नाङ्गा छौँ ।”

यही असोज १८ गतेदेखि सुरु भएको वर्षाले यहाँका नागरिकको जनजीवन अस्तव्यस्त बनाउनुका साथै बाढीपीडित परिवारको गुजारा चल्न समस्या भएको छ । खेमराज जैसीको परिवार पनि १९ गतेबाट हुलाकी सडकमा आश्रय लिएर बसिरहेको छ । उहाँको घर जलमग्न छ । घर जानसक्ने अवस्था छैन । सडकमा पालमुनि निकै कठिन भएको उहाँको गुनासो छ । “हामीलाई राहतमा खाद्यान्न, शरीर ढाक्न लुगा, सुत्नका लागि झुल पाएको भए बाँचिन्थ्यो कि”, उहाँले भन्नुभयो, “घर फर्कने वातावरण छैन, घरमा भएका सबै सामान भिजेर नष्ट भए । यहाँ सडकमा हामीले झेलिरहेका समस्या भनेर साध्य छैन ।”

सडकमै बसिरहनुभएका कम्मानसिंह विकको परिवारको अवस्था पनि दयनीय छ । बालबालिकासहित स–परिवार सडकमा पालमुनि बस्न कठिन भएको छ । खुला सडकमा लुगाकपडा, खानेकुराको अभाव भएकाले समस्या भएको उहाँ बताउनुभयो । “बच्चालाई सम्हाल्न बढी कठिन हुने रहेछ, बच्चा खान खोज्छन्, निरन्तर वर्षा भइरहेको छ । सडकमा पकाउने वातावरण पनि छैन”, कम्मानसिंहले भन्नुभयो, “वस्तुभाउसहित सडकमा बस्न कठिन छ । यस वर्षजस्तो पीडा कहिल्यै भएन, हामीलाई त दैवले ठग्यो ।”

थापापुरकी यज्ञदेवी जैसीको परिवार पनि सडकमा छ । खुला आकाशमुनि चिसो हावा चल्दा झन् कठिन भएको छ । खुला सडकमा लामखुट्टेको टोकाइ, लुगाको अभावमा सरकार भएको महसुससमेत नभएको उहाँको भनाइ छ । “यस्तो समस्या छ । हामी चिसोमा बसिरहेका छौँ, हामीलाई लुगाफाटा भए पनि दिएको भए राहत हुन्थ्यो”, उहाँले भन्नुभयो, “भिजेकै लुगा शरीरमा सुक्छन् तर हाम्रा लागि कोही सहयोगी आएनन् ।”

सडकमै बसिरहेकाहरू सबैको बिचल्ली छ । देवसरा विकको परिवार पनि १९ गतेबाट घर फर्कन सकेको छैन । उहाँको घर नदीजस्तै जलमग्न छ । सडकमा बसेकालाई आवश्यक लुगा, झुलजस्ता सामान पाए पनि राहत हुने उहाँ बताउनुहुन्छ ।

भजनी नगरपालिकाका प्रमुख केवल चौधरी बाढीपीडितलाई आवश्यक खाद्यान्नको जोहो नगरपालिकाले गरिदिएको भए पनि मौसमका कारण खाना पकाएर खान सक्ने अवस्था नभएको बताउनुभयो । “हाम्रो पालिकामा बेहाल छ, हामी पनि केही गर्न सक्ने अवस्थामा छैनौँ, हामी बाढीमा फसेकालाई उद्धार गर्ने कार्यमा खटेका छौँ”, उहाँले भन्नुभयो, “सडक तथा सेल्टरमा बसेकालाई खाद्यान्न उपलब्ध गराएका छौँ तर मौसमका कारण पकाएर खान सक्ने वातावरण छैन । निरन्तर पानी परिरहेकाले पीडितलाई खानपिनमा समस्या भएको छ ।”