लोकप्रिय गायक राजेश पायल राइको स्वर रहेको गीत ‘आधा लैजाऊ तिमी माया आधा लिन्छु मैले’ को भिडियो सार्वजनिक भएको छ । सार्वजनिक गीतमा तारा लिम्बुको शब्द रहेको छ भने कम्पोज तथा एरेन्ज सबिन लिम्बुको रहेको छ । गीतको भिडियोमा अमित सुब्बा र क्रीन्चा राइको अभिनय देख्न सकिन्छ भने परिकल्पना स्वयम् गीतकार तारा लिम्बु र कालुसिङ थाम्सुहाङको रहेको छ । उक्त भिडियोको छायांकन बेलायतका रमणीय स्थानहरुमा गरिएको हो ।
सार्वजनिक भिडियोमा निर्देशक श्रेष्ठकै छायांकन तथा सम्पादन रहेको छ । आफ्नी प्रेमीकासँग विशेष समय बिताइरहेका प्रेमीले आधा लैजाऊ तिमी माया आधा लिन्छु मैले भन्दै रोमान्टिक अवतारमा अमित सुब्बा र क्रिन्चा राईको सशक्त अभिनय देख्न सकिन्छ । प्रेमीले आफ्नी मायालुसँग वैँशालु उमेरमा रमाइलो पल बिताउँदै सजाएको मन मन्दिर दिँदै दिल दिने कुरालाई करिब ३ दर्जन भिडियोको निर्देशन गरिसकेका निर्देशक श्रेष्ठले गज्जब तरिकाले भिडियोमा कैद गरेका छन् । साडे ५ मिनेटको भिडियो फिल्मी शैलीमा तयार पारिएको हुँदा दर्शकले रुचाउने निर्मात्री तथा गीतकार तारा लिम्बुले बताइन् ।
साहित्यको क्षेत्रमा लामो समयदेखि कलम चलाउँदै आएकी गीतकार ताराले आगामी दिनमा पििन यस्तै शृजनालाई निरन्तरता दिने बताइन् । भनिन् काम गर्दै जाँदा नयाँ प्रयोग गर्न मन लाग्दो रहेछ र समयको बेगसँगै फरक शृजनाको जन्म हुँदो रहेछ । सार्वजनिक भिडियोमा कोरियोग्राफी तथा मेकअप दिपिका श्रेष्ठको रहेको छ । जसमा रगं संयोजन नवीन निरौलाको रहेको छ । भिडियो सबिन लिम्बुको युट्यूव च्यानलमा हेर्न सकिन्छ । हेर्नुहोस् भिडियो