नायिका नेहा पुनलाई यसरी बलत्कार पछि हत्या गरियो, हत्यारा किर्तन जन्मकैद गए (स्थलगत रिपोर्ट)

मगर फिल्मकी नायिका १९ वर्षिया नेहा पुन (योरुना)लाई बलात्कार गरि हत्या गरेको अभियोगमा सतिश भनिने किर्तन खड्गीलाई सर्वस्वसहित जन्मकैदको सजाय सुनाइएको छ ।
अभियोगमा दोषी ठहर गर्दै आइतबार जिल्ला अदालत कास्कीका जिल्ला न्यायाधीश रमानाथ पौड्यालको इजलासले कर्तब्य ज्यानमा सर्वस्वसहित जन्मकैद र जबर्जस्ती करणी उद्योगमा ५ वर्ष कैदको फैसला गरेको हो । किर्तनविरुद्ध २०७२ फागुन १५ गते हत्या आरोपमा मुद्दा दायर भएको थियो । त्यसयता उनी पुर्पक्षका लागि थुनामा थिए ।
नेहाको २०७२ साल माघ १८ गते राती बलात्कारपछि हत्या भएको थियो । कास्कीको नयाँगाउँ घर भई पोखराको न्यूरोडस्थित स्माइल क्याफेमा कार्यरत नेहाको शब २०७२ माघ १९ गते विहान उनकै घरनजिकै भेटिएको थियो । घटनाको प्रारम्भिक अनुसन्धानमा माघ १८ गते राति किर्तनले नेहालाई घर र्पुयाइदिने भन्दै मोटरसाइकलमा राखेर लगेका थिए ।
घर नपुग्दै लेकसाइड जाउँ भन्दै यौन प्रस्ताव राखेको र नेहाले अस्वीकार गरेपछि हेलमेटले टाउकोमा हिर्काएको किर्तनले अनुसन्धानका क्रममा स्विकारेका थिए । त्यसपछि पनि यौन सम्पर्क गर्न खोज्दा रगत देखेपछि घटनास्थलबाट भागेको किर्तनले बयानमा उल्लेख गरेका थिए ।
करिब २ बर्ष अघि नेहा पुनको बलत्कार र हत्याको बिषयमा उनकै परिवारसंग भएको कुराकानी र गतिबिधीबारे हामीसंग रहेका भिडियोहरु आज फेरी हेर्नुहोस् ।

Leave a Reply

Your email address will not be published.

This site uses Akismet to reduce spam. Learn how your comment data is processed.