सांगीतिक कार्यक्रमका लागि अमेरिका उडेकी गायिका आस्था राउतलाई त्यहाँस्थित डालस अध्यागमनले नेपाल फिर्ता पठाइदिएको छ ।पर्यटक भिसामा सांगीतिक कार्यक्रम गर्न नपाइने कारण देखाउँदै आफूलाई अमेरिका प्रवेशमा रोक लगाइएको गायिका राउतले अनलाइनखबरलाई जानकारी दिइन् ।
यो पनि पढ्नुहोश:हुस्सुका कारण कम भिजिविलिटी हुँदा तराईका विमानस्थलको उडान प्रभावित भएको छ ।
कम्पनीहरुले यसबारे यात्रुलाई सूचित गरेका छन् । यति एयरलाइन्सले एक सूचना निकाल्दै तराई क्षेत्रमा लागेको बाक्लो हुस्सुका कारण बिराटनगर, भैरहवा, नेपालगञ्ज, सिमरा, जनकपुरलगायत विमानस्थल नखुलेको जानकारी दिएको छ । भद्रपुर र पोखरामात्र नियमित उडान भइरहेको कम्पनीले जनाएको छ ।
प्रभावित विमानस्थलमा उडान गर्ने यात्रुले विमानस्थल आउनुअघि कम्पनीमा सम्पर्क भनिएको छ । उता, बुद्ध एयरले समेत यसबारे यात्रुलाई सूचित गराएको छ । भद्रपुर, पोखरा, धनगढी, सुर्खेत, तुम्लिङटारबाहेक अन्य विमानस्थलको उडान प्रभावित भएको बुद्धले जनाएको छ ।
काठमाडौँ– प्रतिनिधिसभाको २ सय ७५ जना सांसदमध्ये सबैभन्दा कान्छी सांसदको ‘ताज’ राष्ट्रिय स्वतन्त्र पार्टीकी निशा डाँगीले पाएकी छिन्। निर्वाचन आयोगले सार्वजनिक गरेको विवरण अनुसार राष्ट्रिय स्वतन्त्र पार्टीको समानुपातिक तर्फबाट डाँगी सबैभन्दा कम उमेरकी सांसद बनेकी हुन्। उनको उमेर २५ वर्ष मात्रै छ।
प्रतिनिधिसभाको सदस्य बन्नका लागि न्यूनतम २५ वर्ष पूरा हुनुपर्ने संवैधानिक व्यवस्था छ। उनले आवश्यक न्यूनतम उमेर मात्रै पूरा गरेकी छिन्। आयोगले प्रतिनिधिसभाको समानुपातिक तर्फको १ सय १० जना सांसदको विवरण बुधबार सार्वजनिक गरेको छ। उनको स्थायी घर झापाको भद्रपुर–१ हो।
यसअघि प्रत्यक्षतर्फका १ सय ६५ जना निर्वाचित सांसदमध्ये स्वतन्त्र पार्टीकै सोविता गौतम थिइन्। उनको उमेर २७ वर्ष मात्रै छ। दोलखाकी गौतम काठमाडौँ २ बाट प्रत्यक्षतर्फ निर्वाचित भएकी हुन्।
त्यस्तै दोस्रो कम उमेरकी सांसदका रुपमा स्वतन्त्र पार्टीकै बिनिता कठायत आएकी छिन्। समानुपातिकबाट निर्वाचित भएकी उनी २६ वर्षकी मात्रै हुन्। उनको स्थायी ठेगाना चन्दननाथ नगरपालिका–५ जुम्ला हो।
त्यस्तै जनमत पार्टीबाट २८ वर्षे विनिताकुमारी सिंह निर्वाचित भएकी छिन्। उनको स्थायी घर औरही गाउँपालिका ४ सिरहा हो। राप्रपाबाट २८ वर्षे अनिशा नेपाली पनि कम उमेरमै सांसद बनेकी छिन्। दार्मा गाउँपालिका ४ सल्यानकी अनिशा राप्रपाको दलित कोटाबाट प्रतिनिधिसभाको सदस्य भएकी हुन्।
कांग्रेसबाट निर्वाचित २९ वर्षे योगेश गौचन थकाली अर्का कम उमेरका सांसद हुन्। उनी मुस्ताङबाट प्रत्यक्षतर्फ निर्वाचित भएका हुन्। माओवादीको समानुपातिक तर्फबाट निर्वाचित छिरिङ लामु तामाङ पनि कम उमेरकी सांसद भएकी छिन्।
उनको उमेर ३० वर्ष मात्रै छ। प्रतिनिधिसभामा ३० वर्षभन्दा कम उमेरका सांसदको संख्या ७ हुने भएको छ जसमा ५ जना समानुपातिकबाट आएका हुन् भने दुई जना प्रत्यक्ष निर्वाचनबाट।