चर्चित गायक राजेशपायल राईले आफूलाई अहिलेका नेताहरुमा नेकपा (माओवादी केन्द्र) का अध्यक्ष पुष्पकमल दाहाल ‘प्रचण्ड’ आफूलाई मनपर्ने नेता भएको उल्लेख गरेका छन् । गत (शनिबार) प्राइम टिभीबाट प्रसारण भएको ‘धमलाको हमला’ कार्यक्रममा पत्रकार ऋषि धमलासँग कुरा गर्दै गायक राईले यस्तो बताएका हुन् । उनले भने,‘जनतापनि अहिले विवेकशील भैसक्नुभएको छ । नयाँ विकल्प खोज्लान् ।’
पत्रकार धमलाले कुराकानीको क्रममा ‘तपाईँको नजरमा मनपर्ने नेता को त ? शेरबहादुर देउवा, केपी शर्मा ओली र प्रचण्ड ? यी तीन जनामध्ये को हो ?’ भनेर सोधेको प्रश्नमा उनले भने–‘प्रचण्डजी मलाई मनपर्छ ।
द्धन्द्धकाल भयो होला, मानिस मरे होलान्, आन्दोलन र क्रान्तिमा सहादत हुन्छ, तर कहीँ न कहीँ बोल्ने अधिकार त हामीलाई उहाँहरुले दिनुभयो नि त, नत्र भने त निकै डराईन्थ्यो ।
प्रचण्डजकी कै कारण आज जातभात निकै हटेको छ । उहाँको विचारलाई र उहाँले गरेको संघर्षलाई कम आँक्न मिल्दैन् ।’
याे पनि ः
एमाले प्रवेशपछि सर्वेन्द्र खनालले भने- कमरेड ओलीजत्तिको अर्को राजनेता कतै भेटिन
पूर्वआइजीपी सर्वेन्द्र खनाल नेकपा एमाले प्रवेश गरेका छन् । बिहीबार पार्टी केन्द्रीय कार्यालय च्यासलमा आयोजित एक कार्यक्रमबीच उनलाई एमाले अध्यक्ष केपी शर्मा ओलीले पार्टीमा स्वागत गरेका छन् ।
पार्टी प्रवेशपछि खनालले अध्यक्ष ओलीको गुनगान गाउदै भने, ‘प्रहरी सेवाकालमा ओलीजत्तिको अर्को कुनै राजनेता कतै भेटिन ।’ आफूले करिब ७ जना प्रधानमन्त्री फेरेको बताउँदै भने, ‘किशुनजीदेखि मेरो जागिरको दौरानमा अध्यक्ष कमरेड जत्तिको राजनेता अर्को कोही भेट्टाइनँ । म उहाँका कुराबाट लालायित हुन्थेँ ।’
उनले ओलीले राष्ट्र र नागरिकप्रतिको भूमिकालाई देखेर एमाले प्रवेश गरेको बताए । खनालले भने, ‘अध्यक्ष कमरेडले राष्ट्र र नागरिकप्रतिको भूमिकालाई देखेर उहाँको पार्टीमा प्रवेश गरेको हुँ ।’
एमाले प्रवेशपछि सर्वेन्द्र खनालले भने- कमरेड ओलीजत्तिको अर्को राजनेता कतै भेटिन
पूर्वआइजीपी सर्वेन्द्र खनाल नेकपा एमाले प्रवेश गरेका छन् । बिहीबार पार्टी केन्द्रीय कार्यालय च्यासलमा आयोजित एक कार्यक्रमबीच उनलाई एमाले अध्यक्ष केपी शर्मा ओलीले पार्टीमा स्वागत गरेका छन् ।
पार्टी प्रवेशपछि खनालले अध्यक्ष ओलीको गुनगान गाउदै भने, ‘प्रहरी सेवाकालमा ओलीजत्तिको अर्को कुनै राजनेता कतै भेटिन ।’ आफूले करिब ७ जना प्रधानमन्त्री फेरेको बताउँदै भने, ‘किशुनजीदेखि मेरो जागिरको दौरानमा अध्यक्ष कमरेड जत्तिको राजनेता अर्को कोही भेट्टाइनँ । म उहाँका कुराबाट लालायित हुन्थेँ ।’
उनले ओलीले राष्ट्र र नागरिकप्रतिको भूमिकालाई देखेर एमाले प्रवेश गरेको बताए । खनालले भने, ‘अध्यक्ष कमरेडले राष्ट्र र नागरिकप्रतिको भूमिकालाई देखेर उहाँको पार्टीमा प्रवेश गरेको हुँ ।’