नेकपा एमालेका सांसद भानुभक्त ढकालले संस्कृति, पर्यटन तथा नागरिक उड्डयन मन्त्री बतास समूहसँग मिलेको आरोप लगाएका छन् ।मंगलबार भएको प्रतिनिधिसभा बैठकमा विनियोजन विधेयकमाथिको छलफलमा सांसद ढकालले सो कुरा गरेका हुन् ।
उनले पर्यटन मन्त्रीको जिल्लामा पर्यटन मन्त्रालयसम्बन्धी पाँच लाखका एक सयभन्दा बढी आयोजना पारिएको र एउटा नगरपालिकामा मात्र ३२ वटा आयोजना पारिएको तर समग्र मधेस प्रदेशमा यससँग सम्बन्धित ४३ वटा पारिनुले बजेटमा विभेद गरिएको उनको भनाई छ ।यसै कारण पर्यटन मन्त्रालय शीर्षकमा खर्च कटौती गरी एक रुपैयाँ राखिनुपर्ने उनको भनाई छ । उनले पर्यटनमन्त्री प्रेमबहादुर आलेसँग मन्त्रालय चलाउने कुनै ज्ञान नभएको पनि बताए ।