काठमाडौं । काभ्रेको बनेपा नगरपालिकाका मेयर लक्ष्मीनरसिंह बादे श्रेष्ठले नेकपा ९एमाले० पार्टी परित्याग गर्नुभएको छ ।
बादेले शनिबार पत्रकार सम्मेलन आयोजना गरेर पार्टी परित्याग गरेको घोषणा गर्नुभएको हो । बनेपा नगरपालिकाको मेयर पदमा पुनः उठ्ने आकांक्षा व्यक्त गर्नुभएका श्रेष्ठलाई एमालेले टिकट नदिएपछि पार्टी परित्याग गर्नुभएको हो ।
श्रेष्ठले केन्द्रीय सदस्य गोकुल बास्कोटाले बनेपाको मेयर पदमा पुनः उठाउने वचन दिएर धोका दिएको बताउनुभयो । उहाँले बास्कोटासहितका नेताहरूले आफूलाई झुक्याउने काम गरेको आरोप लगाउनुभयो । श्रेष्ठले बनेपाको मेयरबाट पनि राजीनामा गर्ने बताउनुभयो । एमालेले बनेपा नगरपालिकाको मेयर पदमा रत्नकुश रञ्जितलाई टिकट दिएको छ