सुर्खेत १५ फागुन । परीक्षा दिँदै गरेको अवस्थामा नक्कली परिक्षार्थीलाई प्रहरीले पक्राउ गरेको छ ।
वीरेन्द्रनगर नगरपालिका-७ ईत्रामस्थित श्री कृष्ण माविमा सञ्चालित प्रहरी जवान (प्राविधिक) तर्फको परीक्षामा नक्कली परिक्षार्थी बनि परीक्षा दिँदै गरेको अवस्थामा प्रहरीले पक्राउ गरेको छ ।
पक्राउ पर्नेमा जुम्ला कनका सुन्दरी गाउँपालिका-८ बस्ने २३ वर्षीय लक्ष्मी प्रसाद सन्ज्याल रहेका छन् । उनलाई प्रहरीले शनिबार दिउँसो पक्राउ गरेको छ । आफ्नै भाइ २० वर्षीय अग्नि प्रसाद सन्ज्यालको नाममा परीक्षा दिदै गरेको अवस्थामा फेला पारी उनलाई पक्राउ गरिएको हो ।
यस सम्बन्धमा प्रहरीले आवश्यक अनुसन्धान गरिरहेको छ ।