काठमाडौं। नेपाली कांग्रेसका महामन्त्री गगन थापाले नेकपा एमाले, माओवादी केन्द्र र नेकपा एकीकृत समाजवादी पार्टीका सांसदले अमेरिकी सहायता परियोजना एमसीसीको विरोध गर्नुअघि आफ्नै दलका अध्यक्षहरूको विरोध गर्नुपर्ने बताएका छन्। शनिबार संसद् भवनबाहिर सञ्चारकर्मीलाई प्रतिक्रिया दिँदै थापाले यस्तो बताएका हुन्।
केपी शर्मा ओली नेतृत्वको सरकारले एमसीसी सम्झौता संसदमा दर्ता गरेको तथा पुष्पकमल दाहाल प्रचण्ड, झलनाथ खनाल, माधव नेपाल लगायतका नेतहरू पनि जोडिएकाले सांसदहरूले यसको विरोध गर्नु सुहाउँदो विषय नभएको बताए।
संसदमा एमालेको अवरोध पनि अब सकिएको मानिएको गगन थापाले बताए। एमालेकै सांसद भीम रावलले संसदमा समय लिएर बोलेकाले एमालेको अवरोध सकिएको मानिने र आउँदा दिनमा पनि यस्तै नाराबाजीका बीचमा संसद् चल्ने महामन्त्री थापाले बताए।