यो साता सुनको मूल्य प्रतितोला १०० रुपैयाँले घटेको छ । नेपाल सुनचाँदी व्यवसायी महासंघले गत साताको शुक्रबारको तुलनामा यो साताको शुक्रबारसम्ममा सुनको मूल्य प्रतितोला १०० रुपैयाँले घटेको जानकारी दिएको हो ।
गत साताको शुक्रबार छापावाल सुन प्रतितोला ९२ हजार ६०० रुपैयाँमा कारोबार भएको थियो भने तेजाबी सुनको मूल्य प्रतितोला ९२ हजार १०० रुपैयाँ थियो । जुन, यो साताको शुक्रबारसम्म आइपुग्दा १०० रुपैयाँले घटेर प्रतितोला छापावाल सुनको मूल्य ९२ हजार ५०० रुपैयाँ र तेजाबी सुनको मूल्य प्रतितोला ९२ हजार रुपैयाँ कायम छ ।
यसैगरी, महासंघले साताभरमा चाँदीको मूल्य प्रतितोला १५ रुपैयाँले घटेको जानकारी दिएको छ । गत साताको शुक्रबार चाँदीको मूल्य तोलामा १२ सय ६५ रुपैयाँ थियो । जुन, यो साताको शुक्रबार प्रतितोला १२ सय ५० रुपैयाँ कायम छ ।