निरंकुश शासकहरुको निरंकुशताको बावजुद सामन्तीहरुको बर्बरतामा पिल्सिएका नेपाली जनताहरुलाई बहुदलीय शासन ब्यबस्थाको लागि झक्झकाउने योद्धा पत्रकारको नाम लिनुपर्दा अग्रपंक्तिमा आउने नाम हो बरिष्ठ पत्रकार गोपाल प्रसाद थपलिया । पत्रकारिता पेशालाई अपराध मानिने बेलामा निडर, निस्वार्थ पत्रकारको रुपमा मात्र सिमित नरही प्रेस तथा पत्रकारिता पेशालाई नै स्वतन्त्रता दिलाउने अभियानको अभियन्ताको रुपमा चिनाउन सफल हुनुहुन्थ्यो उहाँ ।

स्वतन्त्रताको लागि लगातार गिरफ्तार भएर बर्षौं जेलनेल र बर्बरतापूर्बक दिएको यातनाको बाबजुद अनबरत संघर्षरत थपलियाको यातनाको कारण पीठमा गम्भीर चोट लाग्यो, नाक भाँचियो र टाउकोमा पनि ठुलो चोट लागेर पनि उहाँ कहिल्यै चुप लागेर बस्नु भएन । यसैले उहाँले थुप्रै सम्मान प्राप्त गर्नु भएको छ ।

बरिष्ठ पत्रकार थपलियाले अझैपनि देश र जनता ब्युँताउनका लागि एउटा “युवा युवती” बोलको देशभक्तिपूर्ण राष्ट्रिय गीतको रचना गर्नुभएको छ | यस सुन्दर रचनाका लागि संगित वरिष्ठ संगितकार उदय श्रेष्ठ र गायनमा महिलातर्फबाट सांसद तथा वरिष्ठ गायक मधु गुरूङ र लक्ष्मी गुरूङ पुरूषतर्फ दिवस श्रेष्ठ र बिपिन घिमिरेले संगीतमय बनाउनु भएको छ | यो गीतलाई रेडियो नेपालले सर्बश्रेष्ठ राष्ट्रिय र देशभक्ति गीत भनी घोषणा गरी प्रचार प्रसार गरिसकेको छ |

https://www.youtube.com/watch?v=mNCjHQaC8hs