स्कटनेपाल,
देशको माया कति हुन्छ देश बाहिर बस्ने नेपालीलाई थाहा हुन्छ। जहाँ पुगे पनि आखिर यो मन त नेपाली हो। रोजगारको लागि बिदेशिने नेपालीले आफ्नो परिवारको सुख मात्रै होइन देश समृद्ध होस भन्नका निम्ति दुख पिरमा परेका नेपाली र देश बिकाशका निम्ति मन खोलेर सहयोग गर्दै आएका छन।
बिगत १३ वर्ष देखि बेल्जियममा बस्दै आएका कवि तथा गीतकार दिनेश पोखरेललाई नेपाल र नेपाली प्रती माया छ।
गजबको कुरा त के भने हात खुट्टा गुमाएका नेपालीको सहयोगार्थ उनले लेखेको कविता “स्विटर” फेसबुक फन्ड रेज कार्यक्रम मार्फत चर्चित बन्दै छ र अहिले लाखौको सहयोग पनि जुटिरहेको छ।
भुकम्पमा पति गुमाएका पत्नी प्रती समर्पित उनले लेखेको गीत ” सिन्दुर” केही दिन अघि डिजिटल बजारमा सार्वजनिक भएको छ। यस गीतमा शब्द दिनेश पोखरेलको रहेको छ भने संगीत गैरे सुरेशको रहेको छ । गीतमा स्वर लोकप्रीय गायिका मेलिना राई को रहेको छ। गीतको एरेन्जमेन्ट सुदिप सागरले गरेका हुन। उत्सव दहालले खिचेको भिडियोमा बिनोद न्यौपाने र सम्पदा बाँनियाको अभिनय रहेको छ। बिकाश दहालले भिडियो सम्पादन गरेका हुन । युवराज वाइबाको कन्सेप्ट र निर्देशनमा गीतको भिडियो तयार भएको हो।