मोरङ बेलबारीकी २६ वर्षीया युवतीको हत्या आरोपमा नेकपा मोरङका नेता योगेन्द्र गुरुङ पक्राउ परेका छन् ।
बेलवारी नगरपालिका-४ की रमिला राईको हत्या गरी शव बेपत्ता बनाएको आरोपमा प्रहरीले गुरुङलाई पक्राउ गरेको हो । राई फागुन १७ गते शुक्रबारदेखि हराएको सूचना पाएको प्रहरीले गुरुङलाई इलामबाट पक्राउ गरेको थियो ।
राईको हत्या गरी शव सप्तकोशीमा फालेको खुलेको अनुसन्धानमा संलग्न एक प्रहरी अधिकृतले जानकारी दिए । पक्राउ परेका गुरुङले युवतीलाई कोठामै हत्या गरी गाडीमा शव लगेर सप्तकोशीमा फालेको स्वीकार गरेको प्रहरी स्रोतले बताएको छ ।
मुलधारको राजनीतिमा आउने सहमति गरेर जनकपुर पुगेका सीके राउतले सहमतिको उलंघन गरेका छन् । सीकेका कार्यकर्ताहरुले उनकै अगाडि स्वतन्त्र मधेसको नारा लगाउँदा पनि उनले केही भनेनन् ।
जबकी, सरकारसँग गरेको सहमतिमा यसअघिका स्वतन्त्र मधेसको नारा छोड्ने, झण्डा, प्रचार सामाग्री, अनलाइन सामाग्री सबै प्रयोग नगर्ने, आइन्दा उत्पादन नगर्ने सहमति भएको थियो ।
तर, आइतबार जनकपुर पुगेका राउतको स्वातमा गएका कार्यकर्ताहरुले स्वतन्त्र मधेसको ब्यानर मात्र प्रयोग गरेनन् ‘मधेश देश लेके रहेंगे’ जस्ता नारावाजी पनि गरेका छन् । राउतले र्यालीमा स्वतन्त्र मधेसको झण्डा प्रयोग गर्नुका साथै ‘सुरक्षागार्ड’ पनि प्रदर्शन गरेका छन् । उनीहरुले बुलेट प्रुफजस्तो देखिने ज्याकेट लगाएका थिए भने कालो चश्मा र माक्स लगाएर अनुहार छोपेका थिए ।
