Wednesday , October 18 2017
Breaking News

क्यानडा बाट ११ बर्षिय नेपाली मूलका पासागं नामग्याल शेर्पा युथ कप: द न्यू वर्ल्ड कप खेल्न पोर्चुगल उड्दै

बिजय थापा

अमेरिकाको न्युयोर्कमा जन्मिएका र हाल क्यानडामा बसोबास गर्दै आएका नेपाली मूलका ११ बर्षिय प्रतिभाशाली भकुण्डो खेलाडी अन्डर सेभेन्टीको अलग्रेभ युथ कप: द न्यू वर्ल्ड कप खेल्न क्यानडा बाट पोर्चुगल जाने भएका छन् l पासागं रोबर्ट क्यानडा सकर एकेडेमीबाट भाग लिंदैछन l सम्भवत पासांग नेपाली मूल का क्यानडाको क्लब बाट प्रतिनिधित्व गर्ने पहिलो नेपाली खेलाडीमा छनौट हुन् पुगेका छन् l

पासांग आज अप्रिल ८ तारिख पोर्चुगलको लागि उड्दै छन् l पासांगका पिता मिगंमार नोर्गे शेर्पा नेपाल बाट १९९२ मा क्यानडा आई १९९७ मा अमेरिका झरेका हुन् l फेरी सन् २००९ देखि क्यानडा सपरिवार बसाई सराई गरेका हुन् l

३ वर्षको उमेरमै छोरोको भकुण्डो हनाई देखेर मिगंमार नोर्गे शेर्पा जिल परेका थिए । बाल्यकाल देखि पासागं नामग्याल शेर्पा भकुण्डो र सितारियो करातेमा रुची राख्छन्। ११ वर्षिय पासागं नामग्यालको भकुण्डो लगाव र ब्यस्तता यति बढ्यो कि केहि अवधिको लागि सितारियो कराते सिकाईलाई नै थाती राख्नुपर्यो ।

पढाईमा पनि राम्रो गरि रहका पासांग गत ३ बर्ष देखि भकुण्डोमा कडा मेहनत र परिश्रम गर्दै गम्भिरपूर्वक खेल्दै आई रहका छन् l कक्षा ६ मा अध्यनरत पासांग ले पोर्चुगलमा राम्रो गरे भने उनको खेल जीवन शैलीमा परिवर्तन ल्याउनु पर्ने उनका पिताले ईनेप्लिजलाई बताए l

पासागंको बढदो भकुण्डो नसा र उन्नयनबाट बुवा आमाको मात्र होईन सिगों नेपाली समुदायको छात्ती गर्वले फुल्ने संभावना छ । अलग्रेभ यूथ क्लब पोर्चुगलको आयोजनामा अन्डर सेभेन्टीको अलग्रेभ युथ कप: द न्यू वर्ल्ड कप आगामी अप्रिल ९ देखि १५ सम्म पोर्चुगलमा हुँदैछ ।

विश्वका ३ हजार २ सय खेलाडीहरुको सहभागीता रहेको १७ वर्ष मुनीका यो वर्ल्ड वल्ड कपमा पाँच वटा महादेशका २ सयवटा समूहले भाग लिनेछ । मिड फिल्ड (मध्य पंक्ति) तथा स्ट्राईकर(प्रहारक) भएर खेल्ने पासांगको खेलले उचाई चुम्ने संभावना छ ।

यो खबरले लामो समयदेखि क्यानडाको ओन्टारियो प्रान्त (जीटिए )मा रहेको मिसिसागामा बस्दै आएका पासागंका बुवा मिगंमार नोर्गे शेर्पा मात्र होईन उत्तर अमेरिकामा बस्ने नेपाली उत्साहित भएका छन।

हुनत, ‘जे गर जसो गर जतासुकै लैजाउ मलाई यो मन त मेरो नेपाली हो ।’ थाहा छैन यसमा भूगोल कति जोडिन्छ तर सबै नेपालीको भावना पक्कै जोडिन्छ । पासागंले सानो उमेरमै भकुण्डोको उम्दा खेलाडी हुने संकेत देखाएका छन । त्यो संकेत बफेलो सिटी गोल्ड मेडल, काटा डेमो प्रोभेन्सियल गोल्ड मेडल, कुमेटे सिल्भर मेडल लगायतका अन्य पुरस्कार हात पार्नुले पनि दिन्छ ।

मेसी र नेमार जस्ता खेलाडिहरुलाई आदर्श मान्ने पासागं फुर्सतमा पौडी, भलीबल खेल्न र चलचित्रहरु हेर्न रुचाउँछन । हेर्दै जाउँ पासागंले संसारमा कुन उचाईसम्मको यात्रा तय गर्नेछन l दोश्रो पुस्ताका उदियमान भकुण्डो खेलाडी पासांग नेपाली भाषा बोल्न जान्दैनन् l केहि शब्दहरु बोल्ने मात्र गरेको तर पासांग फ्रेन्च भाषा अलिअलि बोल्न्ने गरेको उनका पिताले बताए l

Leave a Reply