Tuesday , September 26 2017
Breaking News

बेलायतको संसद भबन बाहिर आक्रमण

लण्डनस्थित संसद् भवन बाहिर एकजना प्रहरी अधिकारीलाई धारिलो हतियार प्रहार गरेर आक्रमण गरिएको ब्रिटिश प्रहरीले बताएको छ।

पोर्टकलिस हाउसको अगाडि गोली चलाइएको एकजना प्रहरी अधिकारीले बीबीसीलाई बताए।

प्यालेस अफ वेस्टमिनिस्टरभित्र धारिलो हतियार बोकेका एकजना मानिसलाई देखेको प्रत्यक्षदर्शीले बताएका छन्।

ती क्षेत्रमा आवागमन निषेध गरिएको छ। केही मानिस घाईते भएको बताइएको छ र घाइतेमध्ये एकजना प्रहरी र संदिग्ध आक्रमणकारी रहेको बताइएको छ।

एउटा गम्भीर घटनापछि एकजना सन्दिग्ध आक्रमणकारीलाई सशस्त्र प्रहरीले गोली हानेको सांसदहरुलाई जानकारी दिइएको थियो।

सांसदहरुले ‘तीन वा चार राउण्ड’ गोली प्रहार भएको सुनेको बताएका थिए।

इन्डिपेन्डेन्टका राजनीतिक सम्पादक टम पेकले ट्विटरमा लेखेका छन्, “ठूलो आवाज सुनियो। चिच्याहट। अन्योल। त्यसपछि गोलि चलेको आवाज। चारैतिर सशस्त्र प्रहरी छन्।”

बिबिसी बाट

Leave a Reply