धुर्मुसलाई रबि लामिछानेको साथ, धुर्मसलाई जग्गा खोज्न रबि पनि पुगे पोखरा (भिडियो सहित)

अन्तराष्ट्रिय स्तरको क्रिकेट रंगशाला बनाउने लक्ष्यका साथ अघि बढिरहेको धुर्मस–सुन्तली फाउण्डेशनले आफ्नो कामलाई निरन्तरता दिईरहेको छ । देशमा एउटा पनि अन्र्तराष्ट्रिय क्रिकेट रंगशाला नभएको र क्रिकेटको बिकाश गर्न पर्छ भन्ने उद्देश्यका साथ फाउण्डेशनका अध्यक्ष सिताराम कट्टेल (धुर्मस)ले देशका बिभिन्न ठाउँमा क्रिकेट रंगशाला निर्माणको लागी जग्गा हेरिरहेका छन् । चितवन, भैरहवा, काठ्माण्डौं, हेटौंडा लगायका ठाउँमा जग्गा हेरेपछि उनिहरु शनिबार पोखरा आएका हुन् । खेलकुद मन्त्री जगत बिश्वकर्माले काठमाण्डौंमा रंगशाला सरकारले बनाउने र पोखरामा बनाउन सल्लाह दिएसंगै टोली पोखरा आएको हो । टोलीमा धुर्मस मात्र छैनन् पत्रकार रबि लामिछाने पनि आएका छन् । पोखराको रंगशाला र भरतपोखरी लगायतका ठाउँहरुमा टोलीले जग्गा हेरीसकेको छ । अब सबै ठाउँको जग्गालाई मध्यनजर गरी र क्रिकेटको मापदण्ड, यातायात, बिमास्थल लगायतको कुराहरुलाई लिएर छिटै स्थान छनौट गर्ने धुर्मुसले बताएका छन् ।