विजय थापा मार्च १५ ,गत मार्च १२ तारिख दिउसो भर्जिनियाको रेस्टन अस्पतालमा उपचारको क्रममा मृत्यु भएका होनहार बिद्यार्थी स्व शुदर्शन सिग्देलको दाह संस्कार सम्पन्न भएको छ ।
उनको दाह संस्कार आज मार्च १५ तारिख बिहिबार भर्जिनियाको स्यानटिलि शहरमा सम्पन्न गरिएको छ । स्व सिग्देलको दाह संस्कार दिउसो अढाई बजे देखि हिन्दु रिति अनुसार अन्तिम संस्कार गरियो । उक्त दाह संस्कारमा डिसी क्षेत्र वरपर बसोबास गर्ने नेपाली समुदायहरु पुगेर स्व शुदर्शन सिग्देललाई श्रद्धा सुमन अर्पण गरेका थिए ।
उनको मृत्यु (कार्डियाक एरेस्ट )हृदयघात अर्थात हृदय गति बन्द बाट भएको थियो । जर्ज मेसनमा अध्ययनरत स्व शुदर्शन सिग्देलको जन्म जुलाई २ ,१९९६ मा भएको हो भने मृत्यु मार्च १२ ,२०१८ मा केवल २२ बर्ष कै उमेरमा भएको छ ।
भर्जिनियाको रेस्टन अस्पतालले मृत्युपरान्त प्रतिवेदन दिए पछि आजै दिउसो सामाजिक संजाल मार्फत दाह संस्कारको सुचना नेपाली समुदायलाई भेला हुन् आग्रह गरिएको थियो । स्व शुदर्शन सिग्देल का पीता भुवन प्रसाद सिग्देल तथा माता गीता सिग्देल हुन् ।
कलिलो उमेरमा निधन भएको खबरले नेपाली समुदायलाई आश्चर्य ,चकित,दुखित ,मर्माहत बनाउनुको साथै सामाजिक संजाल भर श्रद्धा सुमन तथा समबेदना का शब्दहरु कोरिने क्रम जारी छ ।
यस दुखद क्षणमा ईनेप्लिज परिवार श्रद्धा सुमन अर्पण गर्दछ ।