त्यति धेरै मिडियाहरुमा चर्चा नभए पनि लोकप्रिय गीत आँसुको कारखानाले छोटो समयमै विश लाख दर्शक बनाएर निमार्ण युनिटलाई खुसि दिएको छ ।
यस अगाडी त्यति नसुनिएका नामहरु यो गीतका सर्जकहरु हुन । यो गीत सफल बने पछि भने गीतका सम्पुर्ण पक्षको चर्चा हुने गरेको छ । नेपालका रेडियोहरुमा विशेषत पचिमाञ्चलमा अत्यधिक बजेको यो गीतले सबैको मन मुटुमा राम्रो बास पाउन सफल बनेको छ । यसो त गीत यति जनाले हेरे त्यहि भएर यो गीत राम्रो भन्न त मिल्दैन तर गीत आँसुको कारखाना सफल हुनका पछाडी यी कारण हुन सक्ने हाम्रो अनुमान रहेको छ
१.गीतको लय/शव्द
यसो त गीतको मुटु भनेकै शव्द र लय हो । यदि राम्रो विषयबस्तुमा शव्द सिर्जना गरि राम्रो लय बनाएको खण्डमा गीत सफल हुन्छ । यो गीत भित्र शव्द र लय निकै उत्कृष्ट रहेको छ । यसो त केहि जानकारहरु आँसुको कारखाना भन्ने शव्द मान्न तयार छैनन् किन कि शाव्दीक रुपमा यो शव्द त्यति अर्थ दिने खालको छैन तर गीतमा जुन रुपमा प्रयोग गरिएको छ त्यो सुहाउदो छ । गीतमा मञ्जीत पहाडीले शव्द सिर्जना गरेका छन भने गणेश अधिकारीले लय सिर्जना गरेका छन । गीतको लय र शव्द मिलेको छ । गीत उत्कृष्ट बन्नुमा यो एक प्रमुख कारण हो ।
२. गायक/गायीका
यसो त विष्णु माझी भने पछि सबै हुरुक्कै हुन्छन । प्राय विष्णु माझीले गायका गीतहरु स्रोता दर्शकले खोजी खोजी हेर्ने गर्दछन । यो गीतमा पनि विष्णु माझीको आवाज रहेको छ भने उनलाई साथ दिने पुरुष गायकले पनि अत्यन्तै सुमधुर आवाज दिएका छन । गीतमा अर्जुन कुँवरले समेत प्रसंसा गर्न लायक आवाज दिएका छन । गीतको यो पक्ष समेत उत्कृष्टनै रहेको छ ।
३. म्युजिक भिडियो
यो गीतमा सबैभन्दा राम्रो भनेकै म्युजिक भिडियो समेत हो । गीत जति राम्रो छ त्यो भन्दा राम्रो गीतको म्युजिक भिडियो रहेको छ । स्मृति तिमिल्सीनाले गीतमा अत्यन्तै राम्रो कथामा कलाकारहरुलाई समेत उत्कृष्ट अभिनय गराएकी छन । त्यसैले पनि स्मृतिले गर्दा पनि यो गीत सफल भएको हो भन्दा फरक पर्दैन । यस्ता कथामा कमै मात्र लोकदोहोरी गीतहरु आउने गर्दछन । स्मृतिको मेहनतलाई समेत सम्मान गर्नु पर्छ ।
४. अभिनय गर्ने कलाकारको जाँदु
गीतमा निर्देशक र गीतको भाव अनुसार कलाकाहरुले गरेको उत्कृष्ट अभिनयले गीत हेर्न थाले पछि अन्त्य सम्म बाँधेर राख्छ । आशिष प्रताप जंगले गीतमा लोभ लाग्दो अभिनय गरेका छन । साथै सारिका के.सीले समेत गीतमा सोचे भन्दा राम्रो अभिनय गरेकी छन । साथै गीतमा सबैको प्रशंसाको पात्र बनेका छन प्रहरीको भुमिकामा रहेका शेरबहादुर डिसी । उनको अभियन साच्चीकै प्रशंसा गर्न लायक छ ।
यसका अलावा गीतमा पर्दा पछाडी रहेर काम गर्ने सम्पुर्ण युनिटको मेहनतले गीत सफल बन्न सहयोग गरेको छ । हामीले उल्लेख गरे बाहेक अन्य धेरै मेहनती हातहरु यो गीतमा प्रयोग भएका छन । गीतले छोटो समयमै विश लाख दर्शक बनाएकोमा सम्पुर्णलाई आभार बधाई दिन चाहान्छौं हाम्रो तर्फबाट ।