Friday , December 15 2017
Breaking News

प्रहरीलाई पेट्रोल बम हानेपछि सप्तरीमा गोली चल्यो , एक जनाको मृत्यु

सप्तरी /नेकपा (एमाले)ले शुरु गरेको मेची महाकाली अभियान बिथोल्न पुगेको मधेशी मोर्चाका कार्यकर्ताले पेट्रल बम हानेपछि सप्तरीमा प्रहरीले गोली चलाएको छ । गोली लागेर एक जना प्रर्दशनकारीको ज्यान पनि गएको छ ।
प्रहरी संगको झडपमा घाइते भएका २० वषर्ीय संजन मेहताको मृत्यु भएको छ । एमालेको कार्यक्रम स्थलबाट सय मिटर पर गोली लागेर उनको मृत्यु भएको हो । एमालेको कार्यक्रम शान्तिपुर्ण रुपमा सकिएपछि गोली चलेको थियो ।

थप केहीलाई पनि गोली लागेको छ र, उनीहरुको अञ्चल अस्पतालमा उपचार भइरहेको छ ।सप्तरीको राजविराजका भएको झडपका क्रममा मधेसी मोर्चाका कार्यकर्ताले पेट्रोल बम हान्न थालेपछि गोली चलाउनु परेको प्रहरीले बताएको छ ।
एमालेको कार्यक्रम स्थलमा जाने प्रयास गर्दा मधेसी मोर्चाका कार्यकर्ता र प्रहरीबीच पटकपटक झडप भएको थियो ।

तर, कार्यक्रमको अन्तिमतिर मोर्चाका कार्यकर्ताले गुलेली र पेट्रोल बमले समेत आक्रमण गर्न थालेपछि सुरक्षाकर्मीबाट गोली चलेको पूर्व क्षेत्रीय प्रहरी प्रमुख डीआइजी रमेश भट्टराईले बताए ।

डीआईजी भट्टराईले भने, ‘मोर्चाका कार्यकर्तालाई थुप्रै पटक सम्झायौं तर, कार्यक्रम स्थलको करिब ३ सय मिटर नजिक पुगेपछि उनीहरुले प्रहरीमाथि र एमालेको कार्यक्रम स्थलमा गुलेली र पेट्रोल बमले समेत आक्रमण गर्न थालेपछि गोली चलाउनु पर्ने अवस्था आएको हो ।’

सुरक्षा निकायले निकै संयमता अपनाउँदा समेत समेत मोर्चाका कार्यकर्ता नियन्त्रण बाहिर जान थालेपछि नहुनु पर्ने घटना भएको डीआईजी भट्टराईले बताए ।

मोर्चाका कार्यकर्ताको आक्रमणबाट नेपाल प्रहरी र सशस्त्र प्रहरी बलका गरेर ३० जना सुरक्षाकर्मी घाइते भएको प्रहरीले जनाएको छ ।

झडपका क्रममा मधेसी मोर्चाका कार्यकर्ताले प्रहरीको एक थान सञ्चार सेट समेत खोसेर लगेका छन् ।

सवारी साधन जलाउने, प्रहरीमाथि पेट्रोल बम आक्रमण गर्ने गरेपछि सुरक्षाकर्मीले सयौं राउण्ड अश्रु ग्याँस र हवाई फायर गरेको थियो ।

प्रहरीका अनुसार एमालेको कार्यक्रमको विरोधमा करिब दुई हजारको संख्यामा मोर्चाका कार्यकर्ता उत्रिएका थिए । त्यस्तै सभामा भने दशहजार भन्दा बढीको सहभागिता रहेको अनुमान गरिएको छ।

न्युजडबली बाट साभार :

Leave a Reply

%d bloggers like this: