Saturday , September 23 2017
Breaking News

जिन्दगीले सही बाटो बिराए झैं लागेको छ – कोमल गज़ल

कोमल गज़ल

*******
जिन्दगीले सही बाटो बिराए झैं लागेको छ
आनन्द र खुसियाली गुमाए झैं लागेको छ

मीठामीठा स्वप्नाहरू तितरबितर भए सबै
कताबाट आँधी आयो उडाए झैं लागेको छ

कस्को आँखा लाग्यो कुन्नी हराभरा संसारमा
उमङ्ग र आशा समेत बगाए झैं लागेको छ

अनगिन्ती प्रहारले चिरा पार्यो हृदयलाई
नियतिले तीखो छुरी चलाए झैं लागेको छ

घरिघरि झुक्क्याएर धोका दियो समयले
किन किन दैव पनि रिसाए झैं लागेको छ

-कोमल भट्ट
पुरानो नैकाप,काठमाडौँ
हाल:- न्युयोर्क,अमेरिका

Leave a Reply